Celín ye un nenu atravesáu por demás, un revolvín que vuelve llocos a los güelos cada vez que los pas lu lleven a pasar unos díes con ellos. Depués de poner n’alerta a tol pueblu, esti despídilu con gran barullu y allegría na estación d’autobuses el día que regresa a la ciudá colos pas.Enrique Carballeira (L’Infiestu, 1970) yá ye conocíu nel mundu de la lliteratura infantil y xuvenil asturiana. Amás de ser autor de los testos y les ilustraciones, Carballeira tamién fai comics.

El protagonista d'esti cuentu ye un mostruu que vive nun planeta llonxanu y que tien un suañu: convertise n'esplorador intergalácticu. Con esti enfotu entra a trabayar d'ayudante de carpinteru p'aforrar lo bastante y mercar un platillu, anque seya de segunda mano. El primer viaxe que fai va a tar enllén d'aventures, sobremanera cuando namás despegar sufra una avería.Enrique Carballeira ye ún de los escritores asturianos más reconocíos nel campu de la lliteratura pa neños. Nació nel Infiestu, onde vive, en 1970. Sigue trabayando na radio y poco a poco va faciendo y publicando llibros que de xuro yá conoceis: «El cuélebre y l'home l'espaciu» (1991), «El principín medranosu» (1992), «El gaiteru de Sotu» (1993), «Les aventures de Xaime Bon, detective galácticu» (1995), «Un carbayu cocoteru» (1996) y «Tres hestories de Ñublina más una de propina» (1996). Dibuxa hestories nel periódicu de cómic «El Gomeru», n'«El Fielatu», fai carteles...

Borsalino ye un neñu que vive nel planeta Tierra nel sieglu XXII. La so mayor afición ye leer llibros antiguos, impresos en papel, y nun-y presten nada los llibros en disquín de computadora. Borsalino ye un neñu fuera d'época, lo que lu convierte en firme candidatu pal tratamientu cola máquina de camudar, cola que se tresforma'l celebru de los que son distintos. La única posibilidá d'escapar ye marchar col cometa Halley de la que pasa cerca de la Tierra.Enrique Carballeira ye ún de los escritores asturianos más reconocíos nel campu de la lliteratura pa neños. Nació nel Infiestu, onde vive, en 1970. Sigue trabayando na radio y poco a poco va faciendo y publicando llibros que de xuro yá conocéis: «El cuélebre y l'home l'espaciu» (1991), «El principín medranosu» (1992), «El gaiteru de Sotu» (1993), «Les aventures de Xaime Bon, detective galácticu» (1995), «Un carbayu cocoteru» (1996) y «Tres hestories de Ñublina más una de propina» (1996). Dibuxa hestories nel periódicu de cómic «El Gomeru», n'«El Fielatu», fai carteles...

Qu´unos gochos tengan un hotel pue hasta ser una cosa normal, pero que quiera quedase a dormir un camioneru francés que lleva bien d´hores conduciendo y que trabaya nun mataderu, yá nun lo ye tanto…

La reina Armanda quier casar al fíu pero nun-y val cualquiera pa moza d'él. Quierla que sepa cocinar, llavar y coser pantalones, anque al príncipe too eso da-e igual. Cuando la reina convoca a les candidates namás se presenta una… ¡y con una espada al cintu!

Marta perdió les coletes de tar percontenta. Los sos pas van llevala a un centru comercial a cortar el pelu, algo que a Marta nun-y presta ni gota. Nesta aventura arreglaráseles, hasta lluchando con cuélebres, pa que nun-y lo corten.

A covadonga, Cova pa los collacios, présta-y muncho xugar a que ye como Tarzán, la reina de la selva. Pero hai un problema: la ciudá na que vive nun tien selves. Namás dalgunos árboles y un poco herba. Agora bien, polo menos hai gatos. Y ye por eso polo qu’acaben llamándola Cova la de los gatos. Un día surde la ocasión de conocer un sitiu nel qu’hai más animales que los gatos del barriu. ¿Consiguirá Cova convertise na Tarzana que siempre quixo ser?Enrique Carballeira Melendi nació nel Infiestu, onde vive, en 1970. Sigue trabayando na radio y poco a poco va faciendo y publicando llibros que de xuro yá conoceis: «El cuélebre y l'home l'espaciu» (1991), «El principín medranosu» (1992), «El gaiteru de Sotu» (1993), «Les aventures de Xaime Bon, detective galácticu» (1995), «Un carbayu cocoteru» (1996) y «Tres hestories de Ñublina más una de propina» (1996). Dibuxa hestories nel periódicu de cómic «El Gomeru», n'«El Fielatu», fai carteles...

Un nenu fala col güelu y descubre que non toles vaques son iguales, que les vaques de verdá tienen personalidá y un marcáu sentíu de la independencia.